 |
| ازالة الشعر بالليزر |
موضوع طلوع الشعر في الجسم من اكتر الحاجات المزعجة
وازالته بالحلاوة والشمع والماكينات اللى بتزيل الشعر من الجزور مؤلمة جداا
فحبيت اجرب حاجة تكون مش مؤلمة وتخلى الشعر ميطلعش تاني
او على الاقل يخف شوية عشان تعبت نفسيا من الشعر
وكل اسبوعين محتاجه اشيل الشعر بالحلاوة وتلزيق وقرف
لحد ما قررت اعمل سيرش واشوف الموضوع امن ولا لاه
لقيت ان ازالة الشعر بالليزر بتفرق حسب الجهاز وحسب المركز
والاهم شطارة الاخصائية اللى حتعمل ازالة الشعر بالليزر
عشان الليزر ليه درجات حسب لون البشرة وحساسيتها
وممكن لو مش اخصائية ازالة الشعر بالليزر مش شاطرة
تعمل حروق ومشاكل للجلد
دورت وسالت وعرفت واحدة عملت في مركز مع واحدة فلبينية شاطرة
وطبعا ده احسن حاجة حد موثوق فيه اخد رايه في التجربة
وشكرت فيها جدا وقالت ان الموضوع اخد حوالي من 6 ل 8 جلسات حسب كل مكان
واما جربت لقيت ان رجلي وايدي اما تابعت فيهم اخدوا 4 جلسات
ومطلعش تاني
للاسف وشي والابط بيرجع يطلع بس قل 30 %
منطقة البكيني بطلت اعملها بعد ما حجيت وبحاول ادور علي مكان اعمل فيه ذاتي
يعني اعمل لنفسي
الحاجات المهمة اللي لازم تسالي عليها قبل ما تروحي
الجهاز المستخدم يناسب بشرتك لو سمرا او بيضا 💆
والجهاز يناسب لون شعر اللى عايزه تشيليه
مش كل الاجهزة بتناسب البشرة السمرا ولا بتناسب الشعر الفاتح
والجهاز يناسب لون شعر اللى عايزه تشيليه
مش كل الاجهزة بتناسب البشرة السمرا ولا بتناسب الشعر الفاتح
وبعدين اعملي سيرش باسم الجهاز عشان تتاكدي
اخصائية شاطره
المكان موثوق لانك حتقلعي 💃
وطبعا السعر 💲
ولازم تعرفي انه مش من اول جلسه حيروح على الاقل 6-8
ومكلف يعني لازم تكوني عاملة حسابك بس حتي لو مرحش
الشعر مش حتشوفيه حوالي شهرين
اهم حاجة اعملي سيرش كويس وممكن تعملي مناطق معينة اللى هي مضايقاكي لو الميزانية مش حتنفع
ولازم تعملي تيست يعني تروحي المركز وتقولي عايزه تيست على منطقة معينة ويستحسن الرجل
وشوفي حيحصل مشاكل ولا لاه
وبعدين قرري تعملي
بعد الجلسة لازم تحطي كريم فيوسيدين عشان البشرة متلتهبش
وتغسليها بميه باردة
ومتحطيش قبل الجلسة وبعدها اي مزيل عرق او روائح على جسمك خالص
ولا تعملى تشقير للشعر شيلي بالماكينة قبلها بساعه وانتي نازلة يعني
بس عشان الشعر الطويل بيعمل حروق
بلاش مكياج ولا اي حاجة على وشك خالص ولا اي كيماويات
