كتير نفسهم يسافروا ويجربوا ويشوفوا بلاد جديدة وثقافات مختلفه
واكتر البلاد اللى بتيجي على اي حد بيفكر يسافر هي تركيا وماليزيا
عشان في احساس بان ثقافتهم غنيه ونقدر نستمتع فيها ده زيادة عن انهم مسلمين فبنحس تلقائيا بقرب بينا
لفت انتباهي ان اكتر الى عايزين يسافروا تركيا الميزانية بتبقى قليله
وناس كتير بتحبطهم بحجه ان المبلغ قليل وان الجنيه نزل الارض والدنيا بره غاليه اوي
كل ده صح
بس ده ميمنعش ان الواحد ممكن يقضيها باقل التكاليف الممكنة
ونعمل باه رحله باك باكرز
ونشيل الشنطة على ظهرنا ونطلع المطار ونطيييييييييييييييييييييييير على تركيا
اولا : الطيران :
تذكرة الطيران بتبين الحكايه حتنفع لا نُسك على الموضوع ...
احسن حاجه تعملها عشان تجيب اقل طيران
هي انك تدخل على مواقع تدور على اقل تكلفه طيران (ياسلام .. اي والله )
هي انك تدخل على مواقع تدور على اقل تكلفه طيران (ياسلام .. اي والله )
حتي لو حتسافر على طياره مكروباص انت بتوفر لاقصي حد
ومفيش باه انا عايز خمسين كيلو وزن
ولا عايز وجبه سخنه ومعاها حته كااااااااااااتوه ... ولا منديل معطر عشان اريفريش
انت تبقى حاطت في دماغك التووووووووووووفير وانك تستمتع وتعيش المراهقة 👴
واول ما نقول بحث عن طيران
ندخل على سكاي سكانر حبيب الملاييييييييييين 💓
www.skyscanner.net
وحتكتب الطلوع من القاهرة او اسكندريه او اقرب مطار ليك ... وفي الوصول اكتب اسطنبول
ايون متحددش اي مطار فيهم عشان فيها مطارين والاتنين سهل الوصول منهم لاسطنبول البلد عادي 😁
2 - وبرضه متحددش وقت السفر ده كبدايه عشان تعرف اقل سعر لشهر امتى
( الا لو انت مجبر على اجازه معينه فده حيقلل شويه في ميزانيتك ده لو مقتلهاش 😂 )
فياريت لو بتشتغل متطلبش الاجازه غير لما تتاكد من سعر الطيران ومن انك اخدت الفيزا والموافقة الامنية
🔍 ودووووس على بحث
في الوقت اللى كنت بكتب فيه البوست
ارخص حاجة طلعت هي طيران النيل ب 4444 جنيه والوصول مطار صبيحة
10000 جنيه - 4444 جنيه = 6666 جنيه مصري
وبعده مصر للطيران ب4869 جنيه والوصول مطار اتاتورك
طبعا انت قاعد تجرب وتشوف وتغير المطارات
يعني مثلا انا غيرت المطار المغادرة بدل القاهرة خليته اسكندرية
طلع طيران دايركت على الطيران التركي ب 3140 جنيه وده فرق حلوووو
بس طبعا الميعاد اتغير وباه في عز الشتا لانه موسم نايم بما ان تركيا بتبقى برد في الوقت ده
بس الفرق يخليك تحجز وتروح تاخد السوبر جيت او اي قطر وطيران علي الاسكندريه...
خليك باك باكرز شاطر ونام في الطريق قطر اتوبيس طياره...
لازم تستغل كل فرصه ممله انك تنام فيها عشان تجدد نشاطك
حاجة مهمة: يستحسن انك تسيرش على مواقع البحث ،
بس ساعه الحجز احجز من موقع شركه الطيران مباشرة ( حتى لو ارخص .. اه حتى لو ارخص)
ثانيا : الفندق
الفنادق في تركيا اكتر من المطاعم ( اي والله ) كل حته فيها فندق او هوستيل او بيت
لو شاب لوحدك اي سرير وناااااااااااااام
لكن لو بنت او عيله اعتقد الخيارات احسن تبقى في اماكن مضمونه بس متزعلوش حتلاقوا
جرب الاول www.booking.com وشوف الاسعار وشوف احسن فندق عدد ريفيو كتير حلو عليه 👀
ويكون قريب من ميدان تقسيم ( المترو والترام والاتوبيسات والميكروباصات لكل مكان)
او منطقة فاتح فنادقها ارخص واصغر( منطقة السلطان احمد والتوبكابي وايا صوفيا
والمواصلات وامينونو اللى فيها معديات وبواخر لتل العرائس والجانب الاسيوي وبورصه)
ده حيسهل عليك كتير في المواصلات والحركه
وبرضه استخدم موقع www.tripadvisor.com عشان تشوف تفاصيل اكتر عن الفندق
( نجرب نشوف تاريخ 24 مارس وده اللى كان فيه الطيران رخيص
نختار فرد واحد ومن الاختيارات في بوكينج نختار ارخص حاجه الاول ونشوف الاسعار ايه
ويفضل تختار فندق اكتر من 8 في اسطنبول لان ده المتوسط دلوقتي هناك
يعني لو دفعت عشرين جنيه في الليله زيادة حتفرق معاك كتير عن فندق يكون الريت بتاعه 7
الفنادق في الصوره اللى فوق هوستيلز واغلبها بيبقى حتشارك الاوضه مع حد تاني
بس اول فندق طلع في السيرش ديه غرفه منفصله بحمام منفصل
وممكن تختار انك تسكن في اوضه ( حجرة ) منفصله يعني مفيش حد ينام معاك في نفس الاوضه
ومن اهم الحاجات اللى لازم تخلى بالك منها انك تقدر تلغي الحجز
عشان متعرفش الظروف ممكن يحصل فيها ايه حتي لو مظبط الاجازه والفيزا والموافقه الامنيه
وكل ما كان الالغاء قريب من ميعاد الحجز كان احسن
( يعني الحجز 24 مارس الالغاء يكون 23 مارس )
وبرضه يفضل الدفع في مكان الاقامة عشان الفلوس متتسحبش من كارت الفيزا وفرق تحويل العملة
وفيه حاجه اصيع من ده كله باه
انك تحجز وتاخد تاشيره الفيزا من السفاره والموافقه الامنية
وبعد كده تلغي الحجز بتاع الفندق
ايوووون تلغيه وتشوف الفندق اللى عاجبك وتروح عليه على طول وتسال السعر بكام
حتتفاجأ بان الاوضه اللى كنت حتاخدها بنص السعر بالاكل وكل حاجه
بس متعملش كده في الصيف او المواسم الزحمة
( واحسن شارع قريب من ميدان تقسيم وفيه فنادق حلوه واسعارها مقبوله ينفع للاسر لانه اغلي ( سكنت في اتنين منهم )
هو شارع اسمه Feridiye cd احلي حاجه انه قريب جدا من تقسيم ومفهوش مطالع ومنازل فمريح
اوله في مطاعم سوريين وسوبر ماركت فيه جبنه وعيش وميه وحلويات
وفيه مغسله في الشارع لما سالت فيها قالى الجاكيت ب5 ليره
الفندق الاول استون ريزدنس Aston Residence
ميزته فطار مفتوح الاوضه نظيفه جدا نزلت فيه مرتين
والمره التانيه ادونا اوضه اكبر اما لقوا ان الاوضه صغيره علينا من غير زياده في الفلوس 👌
والتاني BORANCİK SUITES ميزته الغسالة في الاوضه
بتوفر كتير لو مسافر في الشتا ولبسك اتوسخ عشان مبينشفش وكمان عندهم دفايات تنشر الهدوم ترجع تلاقيها نشفت
بس الفندق ده فيه مبنين المبني ده اللى كويس التاني وحش عيبه مفهوش فطار ومتهالك شويه)
لو قلنا اسبوع في اسطنبول لفرد واحد هوستل سرير في حجرة مشتركه يبقى التكلفة
6666 جنيه - 882 جنيه = 5784 جنيه
ثالثا: المواصلات:
اغلب الرحلات والخروج في اسطنبول بيبقى بالمواصلات
بتشتري كارت اسطنبول ب7 ليره = 32.37 الكارت وبتملاه بعشره عشرين ليره
واول ما تركب اي مواصله بتستخدمه وبينفع في الاتوبيسات والمترو والترام والبواخر والتلفريك
ومش بينفع في المكروباصات والبواخر اللى رايحه بورصه
مفيد جدا ومش حتعرف تتحرك من غيره
وتكملة لموضوعنا الجزء الثاني : ازاي تسافر تركيا اسطنبول ب 10 الاف جنيه بس ( كارت المتاحف )
الجزء الثالث: ازاي تسافر تركيا اسطنبول ب 10 الاف جنيه بس ( الرحلات )
الجزء الرابع : ازاي تسافر تركيا اسطنبول ب 10 الاف جنيه بس (باقي الرحلات )
اكلات رخيصة وتوفير في الميزانية في اسطنبول تركيا
ويكون قريب من ميدان تقسيم ( المترو والترام والاتوبيسات والميكروباصات لكل مكان)
او منطقة فاتح فنادقها ارخص واصغر( منطقة السلطان احمد والتوبكابي وايا صوفيا
والمواصلات وامينونو اللى فيها معديات وبواخر لتل العرائس والجانب الاسيوي وبورصه)
ده حيسهل عليك كتير في المواصلات والحركه
وبرضه استخدم موقع www.tripadvisor.com عشان تشوف تفاصيل اكتر عن الفندق
( نجرب نشوف تاريخ 24 مارس وده اللى كان فيه الطيران رخيص
نختار فرد واحد ومن الاختيارات في بوكينج نختار ارخص حاجه الاول ونشوف الاسعار ايه
ويفضل تختار فندق اكتر من 8 في اسطنبول لان ده المتوسط دلوقتي هناك
يعني لو دفعت عشرين جنيه في الليله زيادة حتفرق معاك كتير عن فندق يكون الريت بتاعه 7
الفنادق في الصوره اللى فوق هوستيلز واغلبها بيبقى حتشارك الاوضه مع حد تاني
بس اول فندق طلع في السيرش ديه غرفه منفصله بحمام منفصل
وممكن تختار انك تسكن في اوضه ( حجرة ) منفصله يعني مفيش حد ينام معاك في نفس الاوضه
ومن اهم الحاجات اللى لازم تخلى بالك منها انك تقدر تلغي الحجز
عشان متعرفش الظروف ممكن يحصل فيها ايه حتي لو مظبط الاجازه والفيزا والموافقه الامنيه
وكل ما كان الالغاء قريب من ميعاد الحجز كان احسن
( يعني الحجز 24 مارس الالغاء يكون 23 مارس )
وبرضه يفضل الدفع في مكان الاقامة عشان الفلوس متتسحبش من كارت الفيزا وفرق تحويل العملة
وفيه حاجه اصيع من ده كله باه
انك تحجز وتاخد تاشيره الفيزا من السفاره والموافقه الامنية
وبعد كده تلغي الحجز بتاع الفندق
ايوووون تلغيه وتشوف الفندق اللى عاجبك وتروح عليه على طول وتسال السعر بكام
حتتفاجأ بان الاوضه اللى كنت حتاخدها بنص السعر بالاكل وكل حاجه
بس متعملش كده في الصيف او المواسم الزحمة
( واحسن شارع قريب من ميدان تقسيم وفيه فنادق حلوه واسعارها مقبوله ينفع للاسر لانه اغلي ( سكنت في اتنين منهم )
هو شارع اسمه Feridiye cd احلي حاجه انه قريب جدا من تقسيم ومفهوش مطالع ومنازل فمريح
اوله في مطاعم سوريين وسوبر ماركت فيه جبنه وعيش وميه وحلويات
وفيه مغسله في الشارع لما سالت فيها قالى الجاكيت ب5 ليره
الفندق الاول استون ريزدنس Aston Residence
ميزته فطار مفتوح الاوضه نظيفه جدا نزلت فيه مرتين
والمره التانيه ادونا اوضه اكبر اما لقوا ان الاوضه صغيره علينا من غير زياده في الفلوس 👌
والتاني BORANCİK SUITES ميزته الغسالة في الاوضه
بتوفر كتير لو مسافر في الشتا ولبسك اتوسخ عشان مبينشفش وكمان عندهم دفايات تنشر الهدوم ترجع تلاقيها نشفت
بس الفندق ده فيه مبنين المبني ده اللى كويس التاني وحش عيبه مفهوش فطار ومتهالك شويه)
لو قلنا اسبوع في اسطنبول لفرد واحد هوستل سرير في حجرة مشتركه يبقى التكلفة
6666 جنيه - 882 جنيه = 5784 جنيه
ثالثا: المواصلات:
اغلب الرحلات والخروج في اسطنبول بيبقى بالمواصلات
بتشتري كارت اسطنبول ب7 ليره = 32.37 الكارت وبتملاه بعشره عشرين ليره
واول ما تركب اي مواصله بتستخدمه وبينفع في الاتوبيسات والمترو والترام والبواخر والتلفريك
ومش بينفع في المكروباصات والبواخر اللى رايحه بورصه
مفيد جدا ومش حتعرف تتحرك من غيره
وتكملة لموضوعنا الجزء الثاني : ازاي تسافر تركيا اسطنبول ب 10 الاف جنيه بس ( كارت المتاحف )
الجزء الثالث: ازاي تسافر تركيا اسطنبول ب 10 الاف جنيه بس ( الرحلات )
الجزء الرابع : ازاي تسافر تركيا اسطنبول ب 10 الاف جنيه بس (باقي الرحلات )
اكلات رخيصة وتوفير في الميزانية في اسطنبول تركيا
ليست هناك تعليقات:
إرسال تعليق