اكلات رخيصة وتوفير في الميزانية في اسطنبول تركيا

جعااااااااااااااااااااااااااااااااااااااااانة

"انتي مش لسه واكلة"

"اه بس جعاااااااااانة"

"انتي مش بتشبعي"

"مش عماله امشي لحد ما رجلى ورمت والجو والمناظر تجوع الصراحة"

"طيب عايزه تاكلي ايه"

"سميط"

"يالهوي انا صارف على السميط اكتر ما صارف على الرحله كلها"

....

"طيب عايزه ايه"

"عايزه سميط وسميط بالنوتيلا وسميط بالجبنه وسميط بالسكر"

"حيلك حيلك اييييييييييه هي واحده بس "

------------

وديه خناقة كل يوم بين الفطار والغدا وبين الغدا والعشا

الجوع وحش 

وخصوصا الجوع وانت عايز توفر وعمال تتحرك طول اليوم مبتونش 

وبما ان ميزانية الاكل بتخرم بتخرم عشان البلد اكلها حلو

وعشان الواحد طفس 

فجمعت شويه اكلات اسعارها معقوله 

السميييييييييييييييييييييييييييييط

 سيميت | Simit

مش عارفه من غير السميط كنت قدرت اقف على رجلى ازاي

ولا كنت تخنتلى خمسه كيلو منين

طعمه حلو مع كوبايه شاي وسقسق واملى كرشك 

السميط الواحدة بتبدا من ليره ونص 

رايي فيها معجبتنيش فيها شوك يا عم

 بالك إكمك ساندوتش سمك | Balık-ekmek

حتلاقي اكشاك سندويتشات السمك مشهوره وخصوصا في امينونو 

واوعي عقلك يوزك وتجيبها من محل اعمل زي الاسطنبوليين 

مطعم وساندويتش – دونت ميكس

واستمتع باكلها والنوارس عماله تبصلك من بعيد وتقولك احدف يالا حته يالا 😊

لهمة جون | لحمة بعجين  | Lahmacun 

 عجين، لحمة مفرومة، بصل، فلفل أحمر، تخبز في الفرن، ثم يرش عليه البقدونس وبعض عصير الليمون وتقدم ساخنة

بيحطوا عليها زبدة لو مش بتحبها بزبده قولهم قبلها 

طعمها حلو بس انا مبحبش الزبدة فشيلتها 😀

دوروم | شاورما | Dürüm

اشتريها من الاكشاك الموجوده في ميدان تقسيم طعمها حلو وبتشبع

والاكشاك ديه في منها بيبيع رز الطبق الفويل الصغير بخمسه ليره حلو ممكن تقوله يحطلك الفراخ عليها

تافوك بيلاف | Tavuk pilav | طبق ارز ودجاج

مفيش بلد بياكلوا رز وفراخ من الشارع بس في اسطنبول وتركيا فيه 

وانت اصلا من كتر الجوع حتحلم بالرز وحتبقى عايز خضار اه والله انا اتوحمت هناك على بسله 

تبقى تكتب في الكومنتات انت اتوحمت على ايه 

هما هناك بيبيعوا فاصوليا بيضا كتييييييييييير وبيعملوها حلو 

وجبه ماكدونالدز او بورجر كينج

سعره كويس والبطاطس والبيبسي بيشبعوا 

وجبه ماك بتبدا من 10 ليره