دبي
اول انطباع ليا عنها من النت انها مدينة اصطناعية
ARTIFICIAL
مفهاش روح
كلها فلوس بتتسحب منك وانت مش حاسس
وان الاستمتاع فيها محتاج حد مريش :(
فمكنتش متحمسة اوي وانا مسافرة
يعني السيرش على النت مخادش وقت
اوكيه حنعمل كده وكده
مملتش الايام بانشطة وخروجات وفسح
لاني خفت نفلس قبل ما نقدر نخلصها
بدات الرحلة واخدنا الطيارة شايلين هدومنا الصيفي ورايحين نتفسح ونشوف الدنيا
وناخد اجازه من جهنم اللايف ستايل في الرياض
قصدي DIE LIFE
:D
نزلنا المطار وكانت اول صدمة مش عاملين حسابنا في الميزانية
ان فيه فيزا لدخول دبي
وسعر الواحد 220 ريال
والحمدلله ان المهنة ينفع ياخدها من المطار والا مكناش سافرنا
وضاع علينا حجز الطيارة والفندق
خد بالك قبل السفر من الموضوع ده
دفعناهم ومشينا للمترو واشترينا بطاقة نول
ويفضل تشتريها وتستخدم المترو لان التاكسي غالي
والمترو نظيف واستخدامه سهل مع انه يعتبر غااااااااالي بالنسبة لمصر
وبيحسب بالمحطة يعني مينفعش خالص تاخده فسحة عشان تشوف الاماكن
ولازم كل شخص يكون ليه بطاقة خاصة بيه
وده عكس اللى كان بيحصل في اسطنبول )
فطبعا تحس انك بتتسرق
( بصراحة مفيش اي احساس ولا محاولة لتخفيض السعر
ولازم البطاقة تكون فيها 7.50 عشان تقدر تدخل المترو
يعني وانت مسافر كده بيبقى كل بطاقة فيها فلوس
:(
المهم وصلنا لمحطتنا شرف دي جي
واول مطلعنا لقينا الفندق برايد للشقق الفندقية
والشقة اديها 5 من 5
رائعة وفيها كل حاجة
مطبخ وحمامين المطبخ فيه تلاجة وغساله وبوتاجاز وبويلر
ومايكروويف غير ادوات المطبخ وشكله اللى احسن من الشقة بتاعتي
:)
بصراحة الشقة تحفة وانصح فيها جدااااااا
اول يوم روحنا بليل مول الامارات مشي من الفندق
هو محطة واحدة من الفندق
واكتشفت ان احسن امشي المحطة عن اني امشي من محطة مول الامارات لحد المول
مسافة طويلة جدا من المترو للمول
وبرده مول دبي مسافة اطول وكبيرة جداااااا
دخلنا السينما واكلنا
كان الفيلم رائع
تاني يوم الجو كان هوا جامد وبرد
عكس دبي خالص
حظنا باه
كنا مخططين نروح وواتر بارك
س اجلناها وروحنا اتمشينا في المنطقة القديمه
خدنا المترو لمحطة برجمان
واتمشينا لحد ما وصلنا
متحف دبي والجامع الكبير والبستكية والخور
واجمل حاجة واحنا ماشين دخلنا في حارة صغيرة اوي
كلها هنود ومحلات بتبيع تماثيل واصنام والحاجات اللى بيعبدوها
حسيت فجاة اني دخلت الهند
للاسف انا خفت مش عارفة ليه
ومشيت الطريق ده بسرعة وكنت عايزه اطلع
بس كان نفسي اقعد واخد صور واستمتع بالجو شوية
المره الجايه باه
( ادي اخرة القاعدة في الرياض نسيت اني مصرية ومبخافش من حاجة)
وطلعت من الناحية التانية على الخور
اللى كان رائع وركبنا العبرة لبني ياس
عشان نروح القرية العالمية
بس الحمدلله صديق قابلنا ووصلنا
والا كنا حنلبس في مشوار طوووووووووووويل جدا
بالعربية اخدت ساعة فتخيلوا بالباص
واعتقد في طريق احسن من ده
القرية العالمية
ممتعة وفيها عروض وفيه بلاد تحس فعلا بجو فيها
وفيه بلاد مملة مفهاش حاجة جديدة
ودخلنا الضوء عرض الليزر
فاشل فاشل محدش يخشه ولا ليه اي لزمه بتاع عيال صغيرة وحيشتموك لو دخلتهم
في بيت رعب تحفة
دخلناه ويستاهل كل درهم
دخلنا تلاته ب100 درهم والنظارات تخليك تشوف الرعب 3 دي :)
التذكرة الواحد ب50 درهم بس شكله مكانش كتير بيخشوه فالراجل عمل حركة جدعنة
ودخلنا جناح انجلترا كان فيه رقص حلو اوي لفرقة من ولدين وبنتين
وطبعا عند مصر لازم تسمع
بشرة خير
عشان تحس باللى تحس بيه انت ونيتك باه
واخر اليوم اخدنا الصديق الرائع وودانا مطعم علي الخور اسمه العريش
ولبسنا عبايات عشان البرد بيقدمها المطعم لزواره
وكان شكلنا تحفة
واكلنا مشويات وكان طعمها يجنن
شكرا اصديق على الفسحة
وروحنا مهدودين ورجلنا مش قادرين مشي عليها
اليوم اللى بعدها لسه برد
شكلى مش حشوف الووتر بارك
:(
نزلنا ورحنا دبي مول
مشواااااااااااااار يابا من المترو للمول الواحد ينزل يعدي الشارع احسن
واول حاجة دخلنا الاكواريوم
جديد وممتع والتذكرة شاملة حاجات كتير اخدنا اقل واحدة
والحمدلله على ده
انك تاكل السمك فاشلة اوي مش زي الصورة حترمي اكل من فوق ضحك على الدقون
تدخل وتتفرج على القرش باشكاله وبعدين تطلع الدور التاني تلاقي تمساح
واسماك اشكال والوان وبومه
وعظام ديناصور
وبطاريق
وطلعنا جري عشان نلحق النافورة الراقصة اللى بتشغل اغنية واحدة بس كل نص ساعة
حاجة محبطة مش زي شرم الشيخ عند السوهو سكوير النافورة بيطلع عينها هناك
بس النافورة رائعة
كانها راقصات رشيقات يتمايلن على انغام الموسيقي الخلابة
:)
وبعدها اكلنا العينات اللى بيحطوها بفلوس اد كده
وروحنا مدغدغين متكسرين
ودهنا فكس وفولتارين ونمنا
يالا على الشاطئ
اليوم كان في الشاطئ وبليل في مول الامارات
دخلنا فيلم
واليوم اللى بعده
الجو حلو
يالا على الووتر بارك
قمة الحيرة باه
معانا عرض لوايلد وادي
شخص وعليه شخص هدية
بقينا حنتجنن خصوصا اننا صرفنا كتير وهما الاتنين الرفيو عنهم كويس
قعدنا نسيرش لقينا كلام بيقول ان الوايلد وادي عيالي شوية
واحنا اتنين شحطة وروحنا قبل كده البحرين ودخلنا الووتر بارك هناك
فعايزين حاجة تفاجانا وجديدة
المرواح لاكوا فنشر بتركب المترو وتنزل محطة وتبدل
وتركب ترام وتنزل تدخل تلاقي مترو تاني بس خاص باكوافنشر
سلبيات اكوافنشر
المترو الداخلي المعلق بفلوس غير تذكره الملاهي
وديه حاجة مادية ومقرفة جدااااااااا
في استهبال
وبعدين توصل تقطع تذكرتين
اللوكر ( صندوق حفظ الامتعة ) برضة بفلوس غير سعر التذكرة
وكل لوكر وحجمة وسعره
:(
