السلام عليكم ورحمه الله وبركاته
كنت كتبت قبل كده موضوع عن
خطوات استخراج فيزا لتركيا للمقيمين في السعودية
للاسف الكلام ده اتغير وباه فيه حاجات زيادة
ومبقاش الموضوع سهل وسريع زي الاول
فعشان متخصرش فلوس
وتذاكر طيران وحجز فندق
اقرا الموضوع كويس عشان متنساش طلب من طلبات سفاره تركيا
اللى صعبت الموضوع وانا لو كنت اعرف كنت طلعت شنجن
واهو كنت لفيت اوروبا براحتي واتفسحت وشفت مناظر جديدة
بس الواحد مبيتعلمش ببلاش
اول حاجه واهم حاجه لازم قبل ما تفكر في السفر
تطلب اجازه قبلها بشهر شهر ونص اتنين
عشان تبقى ضامن انك تسافر اصلاا
تاني حاجه تعمل خروج وعوده
عشان تعرف تطلع من المخروبة ديه
تالت حاجه
تجيب خطاب تعريف من الشغل بتاعك ممضي ومصدق من الغرفة التجارية بالانجليزي
وعليه مرتبك وشغلك واقامتك
رابع حاجة
تحجز فندق مبدئي
يعني ايه يعني متدفعش غير في مكان الاقامه وميسحبوش الفلوس وينفع يتلغي
وده خطوه مهمه جدااا
خامس حاجه طيران مبدئي برضه
يعني طيران ينفع تلغيه لو حصل اي حاجة ومسافرتش متعرفش الظروف ايه
سادس حاجة
تطلع على البنك تجيب كشف حساب باخر تلات شهور بالانجليزي
والجديد باه
عايزين حركه حساب بـ100000 على الاقل
ويكون فيه رصيد بـ20000
وماله يا حبيبي ما احنا بنسرق اصلنا
سابع حاجة
تروح تسال في التامين بتاعك على تامين سفر دولي
في الغالب حيبقى ببلاش تبع تامينك
لو مش مشمول في تامينك
اعمل تامين سفر دولي
ثامن حاجة
تروح تاخد دش وتتسرح وتطلع تتصور صور
5x5
تاسع حاجة
الاقامة وصوره الاقامة
عاشر حاجة
الباسبور وصوره للباسبور
وصوره لكل تاشيرة اخدتها قبل كده
وتطلع على مكتب من المكاتب المعتمدة في السعودية
عشان السفارة التركية مبقتش تاخد اي طلبات للسفر لتركيا غير من المكاتب المعتمدة
ومش بتستلم طلبات من افراد نهائي
وتاخد معاك
الاوراق المطلوبة لاستخراج فيزا تركيا للمصريين المقيمين في السعودية والخليج
