اماكن سياحية ومزارات في اسطنبول تركيا

تركيا الصغرى

miniaturk

وهي حديقة صغيرة تشتمل على مجسمات لكل المعالم الرئيسة في تركيا

ويتم الدخول لها بعد دفع رسوم مقدارها (10) ليرات للفرد ولديهم جهاز

لبرمجة الكروت حيث يمغنط الكرت وفقا للغة الزائر ومنها العربية

ويقع عند كل معلم جهاز يمرر فيه الزائر الكرت الذي يحمله

فيبدأ الجهاز بالحديث عن ذلك المعلم باللغة الممغنطة على الكرت

حيث يذكر كافة المعلومات التاريخية والثقافية الخاصة بذلك المعلم وهكذا

وتستغرق الجولة في هذه الحديقة قرابة ساعتين إلى ثلاث ساعات وبعد انتهاء الجولة

يستطيع الزائر الاستراحة في المقهى الذي يقع في الحديقة ويطل على احد الخلجان

البحرية أو التسوق في محل بيع التحف الملحق بالحديقة وهو ارخص مكان 

لشراء التحف في اسطنبول حيث انه مملوك للبلدية

كيف تصل إلى ميني ترك

miniaturk

رحلتي الى تركيا... الانتقال من المطار الى الفندق في اسطنبول

وصلنا الحمدلله الى مطار صبيحة 

الساعة 1 ظهرا

وعشان مكانش معانا غير شنط ظهر 

كل واحد شايل هدومه

فكان الموضوع اسرع واسهل

بنعدي على الجوازات بيشوفوا التاشيرة علي الباسبور

وختم وبقينا في تركيا

مشينا ناحية بوابة الخروج 

ولقينا فيه فودافون وشركة تانية للاتصالات والانترنت

بس مخادناش لاننا مش محتاجين نكلم حد والنت في كل الفنادق 

واحنا مصدقنا بعدنا عن الدوشة والاخبار المملة والمتكررة

طلعنا وزي ما كنت قريت عن باصات هافاتاش

اللى بتقف اودام المطار

رحنا للسواق سالناه بتروح كاديكوي وبتقف عند الميناء؟

ايوه

بكام  ؟

8 ليرة

يابلاش 

ركبنا الاتوبيس 

صور من تركيا... اسطنبول ايدر اوزونجول

رحلتي الى تركيا.. الفكرة والحجز للطيران والفنادق

نَزلت طيران ناس 

flynas.com

وهو طيران خاص في السعودية

عروض في شهر نوفمبر 2013

جامدة جدا

خلتنا نقرر نحجز عمرة 

ونحجز نروح المدينة

وكنا عايزين نروح مكان نتفسح فيه بس مش عارفين فين

قعدنا ندور في كل البلاد اللى بتروحها طيران ناس في شهر ابريل 

عشان ده شهر عيد جوازنا الاول

وكان نفسنا نسافر بره في شهر العسل بس للاسف مكانش فيه ميزانية لده خالص

وبعد لف وتدوير وبلاد تحطنا وبلاد تشيلنا

لقينا اسعار السفر الى اسطنبول حلوة جدا رايح جاي احنا الاتنين 

حوالي 900 جنية

حجزنا واشترينا الفيزا على النت وديه كانت غلطة لان المصريين ملهمش فيزا نت الا بشروط

اقرا خطوات استخراج الفيزا للمصريين

قريت على النت في المنتتديات والمواقع

عن احسن اماكن تركيا 

عشان نقسم رحلتنا عليها

لان احنا مصريين وعندنا اثار ونهر 

يعني اسطنبول قريبة جدا من القاهرة

واحنا مش بتوع اثار ومتاحف يعني مش حنقعد اسبوع نلف نتفرج على حجارة ونقول وااااو

ولا محرومين من المراكب كفاية رحلة بوسفور وخلاص

خطوات استخراج فيزا لتركيا للمقيمين في السعودية

بخصوص خطوات الفيزا للمصريين

 والناس المقيمة في السعودية وملهاش تطلع فيزا من النت

الموضوع مشوار للسفارة

بتدفع 225 ريال عن كل فرد

وبعدين الاستلام بعد اسبوع 

وديه الخطوات من موقع السفارة

1. إكمال نموذج طلب التأشيرة. 

اطبعه واملاه في البيت احسن 

هما اصلا هناك طابعينه ابيض واسود فمش حتفرق وفر وقت

2. صورتين شخصية حديثة.

3. صورة من جواز سفر مقدم الطلب (كل الصفحات ذات الصلة بما في ذلك التأشيرات سارية المفعول للبلدان الأخرى).

4. يجب أن يكون جواز السفر صالحا لمدة 6 أشهر من تاريخ السفر إلى تركيا.

5. تذكرة الطيران وحجز الفندق. 

6. رسالة من الكفيل مصدقة من الغرفة التجارية.  

7. ـتأشيرة الخروج والعودة على جواز السفر.

8. رسوم التأشيرة

9. استقبال طلبات استخراج التأشيرة من الساعة 8:30 صباحا وحتى الساعة 12:00 ظهرا.

10. وللحصول على جواز سفرك ما بين الساعة 14:30 وحتى الساعة 15:30 مساء. 

وهي ديه الخطوات استخراج فيزا تركيا للمصريين من موقع سفارة تركيا في الرياض 

**الاجازة جمعة وسبت ولو اتصلت حيرد عليك واحد مش بيفهم حيقعد يقولك تعالي السفارة تعالي السفارة 

**للمصريين متحاولوش تتطلعوا الفيزا على النت الا لو كان عمرك اصغر من 18 او اكبر من 45

لان حيروح عليك الفلوس

----------------------

تحديث بخصوص الاجراءات من مشاركة للعضو Ahmed Fikry

السلام عليكم دا اخر تحديث لاستخراج الفيزا بالنسبة للمصرين المقيمين بالسعودية .. 

1 وقبل كل شىء لازم تعبى طلب من على النت من الموقع الاتى https://www.konsolosluk.gov.tr/eKonsolosluk/Sayfalar/Visa

ولازم تاخد موعد من على النت لانهم مش هيدخلوك اساسا لو معكش موعد وللعلم المواعيد المتحة بتكون بعد شهرين من تاريخ تعبئة النموذج فمتزنقش نفسك واعمل وقدم على الفيزا من بدرى 

2- الجواز صالح على الاقل 6 شهور 

3- الاقامة يكون فيها على الاقل 3 شهور 

4 - الخروج والعودة ال تغطى فترة سفرك 

5 - خطاب الكفيل ( انجليزى ) 

6- كشف حساب البنك لاخر 3 شهور ( انجليزى ) 

7- حجز الفندق ( انجليزى ) 

8- حجز الطيران( انجليزى )

9- صورة واحدة 5*5* خلفية بيضاء بدون نظارة 

10 - والحاجة الجديدة تامين طبى دولى بحد 30000 يورو

ده لينك  حيدخلك على طول على الابليكيشن 
اخذ موعد لاستخراج تاشيرة تركيا
وامشي الخطوات بس متحولش ل evisa كمل في application online


مواضيع ذات صلة:
اماكن سياحية ومزارات في اسطنبول تركيا
رحلتي الى تركيا... الانتقال من المطار الى الفندق في اسطنبول فاتح
رحلتي الى تركيا.. الفكرة والحجز للطيران والفنادق
صور من تركيا