عدي سنتين على اخر مره طلعت فيها تركيا
وحشتني بنت اللظينا 💘
فيها حاجة بتشدني
اول مره رحتها حسيت اسطنبول زي القاهرة بس على اوروبي شويه
نظافة البلد والنظام والمواصلات
اتمنيت في يوم اسافر على القاهرة وانبهر كده😵
مصر فيها اكتر بس للاسف النظام والنظافة مش موجوده
احترام الاخر مش موجود
بس ده موجود
 |
| التحرش في بلد الفرنجة |
المهم كان عندي اكتئاب من قعدة السعودية ومن الزهق وقلة الحركة ومفيش جديد
وقلت لجوزي: " ما تيجي نسافر تركيا" قالى "ماشي"
كان زهقان اكتر مني يا عيني 😤😣
حجزنا على فلاي ناس من الرياض لاسطنبول اتنين كبار وبيبي 👪
---------
جه اليوم اللى حنركب فيه الطيارة
 |
| هيييييييييييييييييييييييييييييه |
26 اكتوبر 2017
حضرنا الشنط
 |
الله يكون في عونه 😂
|
واخدنا اوبر وطلعنا على مطار الملك خالد في الرياض
عملنا البوردنج وعدينا الجوازات الحمدلله كان معانا الخروج والعودة
اكلنا في بورجر كنج المطار عشان فلاي ناس مفهاش اكل
نزلنا في اسطنبول الساعه 1:30 الظهر استنينا الطيارة بتاعت طرابزون
يالهوي فرق كبير بين الطيارتين حموت وانام
كل واحد واخد كنبه ونايم ومفيش مكان انام فين
مش قااااااااادرة
مش قااااااااادرة
مطار صبيحة كوجن مستنين يفتحوا عشان نطلع علي طرابزون
بوردنج طرابزون.. شحن الشنط.. التفتيش.. الطيارة
يا سبحان الله على جمال السحب وتجمعها وشروق الشمس
وصلنا طرابزون
اخدنا تاكسي لان كان معانا شنط كتير والاتوبيس (هافاش )
من المطار لميدان طرابزون للاسف مرديش يطلعها عشان صغير
من المطار لميدان طرابزون للاسف مرديش يطلعها عشان صغير
وصلنا الفندق رااااااااااااائع وانصح بيه بشدة
غالي شويه للميزانيتهم صغيره 160 ليره في اليوم
(هو عبارة عن شقة من اوضه وصالة ومطبخ مفتوح على الصالة
فيه كاتل وميكرويف وبوتاجاز كهربا وتلاجة وتكييفات و2 تليفزيون وحمام طبعا 🚽
وكان صاحب الفندق الحاج جمال راجل متعاون جداا وخدوم
بيتكلم عربي وانجليزي كويس ويفهمك وهو اصلا بيطلع رحلات حجاج ماشاء الله عليه)
لو غالي عليك.. شوف الفنادق اللى حواليه..
المنطقة ديه احسن مكان، فيها كل المطاعم وشركات السياحة والرحلات اليومية
بعد ما استريحنا نزلنا نستكشف
وصلنا الميدان وقررنا ناخد ميكروباص ( دولمش بالتركي ) لمطل طرابزون
نزلنا وكملنا مشي 500 متر للمطل
قعدات بتطل على طرابزون والبحر الاسود
قعدات شاي على مطل طرابزون بوزتبيه boztepe trabzon tea garden
وبعدها طلبنا اكل من مطعم من المطاعم اللي موجوده على المطل
وكان الاكل معقول والسعر متوسط
 |
| الغداء في مطعم في مطل طرابزون |
بعد ما خلصنا قعدتنا
عدينا الناحية التانية واخدنا الدولمش لميدان طرابزون ( ميدان اتاتورك )
-----------
تاني يوم في طرابزون
صحينا الصبح ( امال حنصحا بليل ) 😁😁
كنت عايزه اروح حيدرنبي وبحيره سيرا جول مواصلات قبل ما الجو يبرد
سالنا صاحب الفندق قالنا ان حيدرنبي برد على البيبي وخلا السواق بتاعه يوصلنا لحد
محطة الاتوبيسات والميكروباصات اللى بتروح لسيراجول وفضل معانا لحد ما ركبنا
( بصراحة حركة ذوق اوي -- ذووق ذووق الصراحة)
ركبنا مع اخوانا واخواتنا التراكوة
وكان فيه ست كبيره في السن لذيذة وعماله تقولى الجو برد على البيبي
وخلى بالك منه واقفلوا الشباك عشان الواد ميستهواش
كل ده بالتركي والاشارات
وعماله تِضَحك الميكروباص كله هي وصحباتها
( حاجة كده تبقى نِفسك انتي وصحباتك تبقوا كده اما تعجزوا )
وصلنا بحيره سيراجول
بدالات على شكل بجع ومطعمين تلاته
بدالات على شكل بجع ومطعمين تلاته
الاكل غالي بالنسبه للكمية منصحش بالاكل هناك 👎
البدال متعب جدااااااا جداااااااااااااا 😫
عامة: سيرا جول كلها متستهلش الا لو..
انت مرمي في الخليج وعندك ايام تعمل حاجات روحها اشطا او تبع رحله
انت مرمي في الخليج وعندك ايام تعمل حاجات روحها اشطا او تبع رحله
..
عايزين نروح حيدر نبي مواصلات.. ملقناش
ووقفلنا شاب معاه عربيه وسالناه، قال مش حينفع عشان الوقت مش حيلحق يروح ويرجع
ووقفلنا شاب معاه عربيه وسالناه، قال مش حينفع عشان الوقت مش حيلحق يروح ويرجع
فركبنا دولمش ورجعنا لمحطة الاتوبيسات والميكروباصات اللى ركبنا منها لسيرا جول واسمها
Debris of Minibus
Moloz Dolmuş Durağı
وصلنا للميدان
نروح مروااااااااح ؟؟!! عييييييييييييييييييييب
روحنا محطة الميكروباصات (الدولمشٍ) اللى جوه الميدان
وركبنا لقصر اتاتورك الابيض
وركبنا لقصر اتاتورك الابيض
Atatürk pavilion - Atatürk Köşkü
القصر من جوه عادي، قصور اسطنبول احلى وافخم منه
بسسسسس التصوير في الحديقة بتاعته والبلكونات راااااااااائع
وفيه غابه اودام قصر اتاتورك الابيض خيالية وفيها حمامات للمزنوق في الجو ده
ايه الحمامات اللى زي الفل ديه
قصر اتاتورك الابيض في طرابزون
Ataturk Köşkü Trabzon Turkey
عروسين بيتصوروا جوه قصر اتاتورك الابيض في طرابزون وسط جمال الشمال التركي
حتلاقي تصوير خطوبة وفرح وماشاء الله يشرحووا القلب
بعد التصوير في القصر وبره القصر وفي الغابه
وغيار البيبي
وغيار البيبي
( في كل مكان لازم يسيب بامبرز 💩 )
لقينا ميكروباص ( دولمش ) مكتوب عليه [ميدان]
" نفرين يا ريس "
" اطلع يا باشا "
واحنا مروحين اشترينا شويه حلويات من مخبز ياكاموز
وااااااااااااه من معجنات ياكاموز
ياللي رايح هناك هاتلي معاك من ياكاموز
لا تقولي ملبن ولا حلقوم
-------------
تالت يوم في طرابزون
حجزنا رحلة لحيدنبي (خضرنبي ) Hıdırnebi
ومغارة تشال وسيراجول (تاني 👽 )
مشي بينا الاتوبيس في طريق بين الجبال بعدها بقينا فوق الجبال
ووصلنا لمغارة تشال Çalköy Mağarası
اول محطة في رحلة حيدرنبي Hıdırnebi
Çalköy Mağarası مغارة تشال
مطعم فوق مغارة تشال
مغارة تشال فيها تكوينات من المياه المتسربة من شقوق المغارة
وهي تاني اطول المغارات في عالم
وأحد معالم قرية "دوز كوي" التي تقع على ارتفاع 1050 مترًا عن سطح البحر
التصوير متاح والمطعم اللى فوقيها
فيه راجل كبير بيعمل شاي وفطيرة بالجبنه طعمها حلو ورخيص
بعدها ركبنا الباص وكملنا الطريق متوجهين لمرتفعات حيدرنبي ( خضرنبي )
Hıdırnebi Plateau - Hıdırnebi Yaylası
 |
مرتفعات حيدر نبي خضر نبي في شمال تركيا
Hıdırnebi Plateau - Hıdırnebi Yaylası
|
 |
مرتفعات حيدر نبي خضر نبي في شمال تركيا
Hıdırnebi Plateau - Hıdırnebi Yaylası
|
احلى رحلة ممكن تهديها لنفسك والناس اللى بتحبها
حالة متتوصفش من ... ماهي متتوصفش باه
انا رحت بقيت مسالمة جدااا ( اه والله )..
انت في قرية فوق الجبال.. اودامك السحاب وشايف الجبال تحتيك 🌄
والبساطة والبيوت الخشبية ومطاعم مشويات
والبساطة والبيوت الخشبية ومطاعم مشويات
حتي الكلاب هناك طيبه ومسالمة جدا 🐶🐕
 |
| كلب لقيناه في مرتفعات حيدرنبي |
الكلب ده ابني لعب معاه فضل ماشي ورانا ومش راضي يسيبنا 💕
بعدها طلعنا على بحيرة سيرا جول
والمرادي مخدناش البدال قعدنا في المطعم وبس والرحلة مطولتش فيها
-----------
رابع يوم في طرابزون
صحيت الفجر وسبحان الله الخالق البديع على المنظر
 |
| الفجر من شباك الفندق في طرابزون Dawn from hotel window in Trabzon Turkey |
----------
اتفقنا مع سواق صديق مالك الفندق
انه يودينا ارتفين
صحينا بدري وجيه اخدنا الساعه 9 😏
المفروض اني كنت عامله بروجرام ميخرش الميه عشان كده اتفقت مع سواق بعربيه خاصة
وده عمري ما بعمله بس قلت كده حيبقى اوفر واحسن وعشان البيبي
وطلعنا على ارتفين في طريق طوووووووووووووووووووويل
 |
| المطل الزجاجي في ارتفين تركيا |
ورحنا عند مكان المفروض نركب منه زيب لاين بس للاسف مكانش شغال
بعدها المفروض كنا حنعدي على قلعة معدناش عشان الوقت
وقالنا حوديكوا على Artvin Cam Teras
اللى هو عبارة عن مطل زجاجي من فوق جبل عالي
الطريق على الجبل ضيييييييق جدااااااا
والعربيه بتمشي تبقى شايف جنبك انك خلاص حتقع من فوق الجبل
طبعا انا كنت في حالة انهيار نَفسي
كل اللى بفكر فيه العربية حتقع
المنظر مرعب ومرهق جدااا نفسيا والطريق زبالة
والانيل كانوا عمالين يصلحوا فيه ويوصلوا انابيب وحاجات
وفي اماكن كتير كان بيجي عربيه عكس او عربية نقل
مبيخلصش الطريق طويل وماشيين على 20 وكنت حاسه انه بيجري
الحمدلله طلعنا فوق ومرضتش اقف على الازاز ده ولا اتصور عليه
والراجل يحايل فيا ابدااااااا 🙅
وجوزي وابني اتصوره فوقيه ونزلنا باه عشان يكم الانهيار العصبي اللى جالي
وواحنا نازلين خلونا نرجع للخلف عشان عربية نقل توسع الطريق
كل ده والراجل ماشي على سرعة 20
بعد ما نزلنا كان في قلعه حنزورها السواق قالنا اكل الاول انا اتفشخت
كل ده بالاشاره حظنا سواق تركي مبيعرفش كلمه عربي ولا انجليزي
اول ما سبنا ونزلنا من العربيه مطر ومطر ومطرررررررر
يادوب اكلنا ودخلنا سوبرماركت
جيه السواق طبعا قالنا مفيش وقت لازم نجري عشان نلحق
وابتدا فيلم الرعب اللى بحق وحقيقي
 |
| الضباب وهو بيسخن لسه قبل ما الدنيا تضلم 👿💀 |
انا غفلت ربعايه صحيت وياريتني ما صحيت
لقيت الدنيا ضلمة كححححححححححل
وحوالينا ضبااااااااااااااااااااااب فظيع
ومش شايفين غير لمض عربيات والراجل قاعد ياعيني زي الالف ورا الدريكسيون
واحنا عمالين ندعي ونقرا في قران اننا نوصل بالسلامة
الحمدلله الراجل طلع سواق انما ايه اسطااا بصراحة 👏
وصلنا لحد شواطئ البحر الاسود وهنا راح الضباب وتنفست الصعداء
لحد ما روحنا الفندق وحلفنا ما نعمل في نفسنا كده تاني
ايه الهبل ده
لا صحيح اييييييييه ده انا مت اليوم ده
نصيحة
ارتفين فيها حاجات تتعمل بس للاسف مينفعش معاها يوم واحد خالص
لازم تروح تبات هناك
الطريق طووووووووووووويل جدااا والرحله مكلفة
ومش حتعمل كل اللى حتكون قريته
اوعي تروحها في جو برد عشان حتتفشخ وحتزعل
لو بتخاف من المرتفعات اوعي اوعي تروح الزفت المطل الزجاجي ده ولا حد يضحك عليك
حتي لو عملوا الطريق متروحش
----------------
خامس يوم في طرابزون
بعد اللى حصلنا امبارح قلنا نريح باه كده وخلينا حلوين
نزلنا اكلنا لهمة جون | لحمة بعجين | Lahmacun
كانت حلوه بالرغم اني كنت شاكه فيها
بس بتاخد وقت عشان تتعمل بس حلوه من غير الزبدة اللى بيحطوها فوق
( انا مبحبش الزبدة )
واخدنا عربيه من ميدان طرابزون
لمتحف آيا صوفيا في طرابزون Trabzon Hagia Sophia Museum
هو مكان مفتوح ببلاش
جواه شوية اصنام متكسرة وفيه زي مبني فيه رسومات عن قصتين
قصة ادم وقصة عيسى
فيه اتنين ستات زي موظفات واحدة منهم هي اللى شرحتلنا واتكلمت معانا
واستغربت اننا مصريين مش عارفه ليه
بس اكتشفت اني كل ما اقول لحد اني مصريه بيفرح
فيه بينا جسر حب كده 💓💙💚
وفيه جنينه حوالين المكان كان فيها ارنب 🐇 ابني شدة من ودنه عايز يشيله فاكره قطة 🐈
 |
| الارنب خد ودنه في سنانه وطلع يجري من ابني 🐇🐇 |
المكان حلو للصور وفسحة خفيفة بس لو مش معاك ايام فوته
هو زي خروجة كده في الطريق
وبعدها اخدنا من الناحية التانية من نفس المكان اللى نزلنا فيه ميكروباص للميدان
بس نزلنا عند قلعة طرابزون
Trabzon castle - Trabzon Kalesi
ورحنا عند البوابة بتاعت القلعة عشان ندفع وندخل باه
واتاريها قلعة سور بس مفيش جوه قلعة
هي زي حرف الـU
وجواها فيه بارك عاملين شغل لاندسكيب حلو اوي 🌲🌳🌷
قعدنا فيها واتصورنا واتبسطنا بالجو بصراحة الجو منععععععععععش
اوكسجييييييين اوكسجيييين
مفيش دخان.. مفيش تراب.. مفيش خنقة
مفيش دخان.. مفيش تراب.. مفيش خنقة
انتعااااااااااااااااااش بالنعناع
احححححححححح
احححححححححح
بعدها اتمشينا في السوق لحد ما وصلنا لمتحف طرابزون Trabzon Museum
والتذكرة فيه خمسه ليره للشخص
متحف لذوذ كده بما ان الخروجة كلها في اللذيذ
 |
| Trabzon Museum North Turkey متحف طرابزون في شمال تركيا |
هو جنب المطاعم وقريب من الفندق لفيناه وكام صوره
وطلعنا اودامه اتغدينا غدوه حلوه
واشترينا ملبن بالمكسرات والحاجات
 |
| راحة الحلقوم ملبن تركي بالمكسرات Melvin turkey with nuts |
ورحنا حجزنا لرحلة بوكره
كفايه لذاذة مش حنضيع الايام سنكحة
------------
سادس يوم في طرابزون
ركبنا الاتوبيس واتحرك باتجاه ايييييييييييييدر
عشقي 💖 قرية احلامي
الانعزال مع الطبيعة
جنة من جنات الله على الارض
عدينا علي شلال في الطريق
 |
| شلال في الطريق من طرابزون الى ايدر ريزا |
وبعدها روحنا نعمل زيب لاين Zipline
كان تحفة وعلي نهر وجبال و..
لاااااا مش ححط الفيديو 😜
 |
| تكون الجليد على جبال قرية ايدر ريزا Snow over mountains in Ayder Rize |
 |
| كوبايه شاي مع كيك في كوخ في رحلتي اللى فاتت في ايدر ريزا |
في الرجوع عدينا على ميدان اتاتورك اشترينا
رز وفاصوليا بيضا وفراخ عشان ناكلهم في الفندق
الغدا االرسمي لينا هناك
( لو معاك ايام انصح بشششششششششدة تبات في ايدر)
----------
سادس يوم في طرابزون
المفروض اننا كنا نسافر بعد اربع ايام نروح كابادوكيا
بس طرابزون والرحلات.. ضحكت علينا وخليتنا نفضل في طرابزون
وقررنا نلغي كابادوكيا
اصلا كابادوكيا كنا حنروح عشان البالون
ما نروحه في الاقصر .. ماله بتاع الاقصر اللى بيقع 😀
واكتشفنا ان البيبي مينفعش يطلع البالون اقل سن من خمس سنوات
وانا اصلا بخاف من المرتفعات 😂😂
-----
سادس يوم حجزنا رحلة صوميلا مع اننا كنا عارفين ان في تصليحات في الدير
ومفيش طلوع ليه
بس قلنا نروح برضه
أول الرحله عدينا على قرية هامسي المشهورة بالرز بلبن المهلبية التركية
سبنا الارز بلبن واتمشينا نستمتع بالقرية
بعدين طلعنا على كهف مغارة كاراكا
karaca magarasi Karaca Cave
ممنوع التصوير فيه
بس هو احسن من الكهف التاني
 |
karaca magarasi Karaca Cave
كهف مغارة كاراكا
|
واخيرا روحنا على صوميلا
اللى هو مش حنطلع بس المنظر تحت رائع برضه
واتغدينا في محل في جرسونات مستفزة جدااااا
الله يسامحهم مبيردوش ولا عايزين ياخدوا الطلب والدنيا مش زحمة يعني
وكمية الاطة اول مره اشوفها في تركيا ولا في اي مطعم
وطلعنا قعدنا نصور عاملين لاندسكيب حلو
----------
سابع يوم طلعنا على المطار
واخدنا طيارة انادولو جيت اللى هي تبع الطيران التركي
على اسطنبووووووووووول
طلعنا من المطار عدينا الناحية التانية واخدنا اتوبيس
هافاش لتقسيم
اوعي تاخد تاكسي ابداا في اسطنبول
 |
| تذكرة اتوبيس هافاش من مطار صبيحة كوجن لتقسيم |
طلعنا على الفندق
aston residence
150 ليرة بفطار مفتوح
حطينا الشنط ونزلنا نتمشي في شارع استقلال لحد ما وصلنا
لبرج غلاطة
طلعنا البرج واستمتعنا بمنظر الغروب
 |
| منظر الغروب من فوق برج غلاطة في اسطنبول ورؤية البوسفور Sunset View from Galata Tower Istanbul Turkey |
وبعدها واحنا نازلين اتصورنا بالزي التركي مع البيبي
( كنا اتصورنا قبل كده لوحدنا )
وبعدها نزلنا اتمشينا لحد ما وصلنا للكورنيش قعدنا في جنينة حلوه اوي تحت الجسر
وعندها اسوار جلاطة
Galata Walls Galata Surları
 |
| أسوار وحديقة برج غلاطة على البوسفور
Galata Walls Galata Surları
|
وطلعنا علي الجسر اللى يوصلنا لحد امينونو
وسمعنا اذان العشاء صوت جميل والمساجد كلها بصوت مسموع بتاذن
وسمعنا اذان العشاء صوت جميل والمساجد كلها بصوت مسموع بتاذن
وركبنا الاتوبيس من امينونو لتقسيم بعد ما اشترينا كارت المواصلات
راجع ازاي تشتري كارت اسطنبول وكارت المتاحف
راجع ازاي تشتري كارت اسطنبول وكارت المتاحف
الجزء الاول ازاي تسافر تركيا ب 10 الاف جنيه بس
الجزء التاني
الجزء الثالث
الجزء الرابع
 |
| bus from eminonu to taksim square istanbul اتوبيس من ميناء امينونو الى ميدان تقسيم في اسطنبول |
في ميدان تقسيم كان فيه زي سوق دخلناه واشترينا شخشيخة للنونو
واتفرجنا على اله يدوية بيصنعوا منها الحرير من شرنقة دودة القز
وراجل مسن كان بيعمل معالق خشب بتاعت المطبخ
وست كانت عندها مفارش غير الاكسسوارات و..
وبعدها وروحنا 😴😴
-------
ثامن يوم في تركيا
تاني يوم في اسطبنول ( اسطنبولي )
نزلنا منطقة فاتح
كانت وحشاني الصراحة وعايزه اتمشي فيها
بما اني رحت قبل كده
لمتحف قصر التوبكابي ولمتحف ايا صوفيا
رحنا المرادي عند المسلة المصرية واتصورنا مع حته من بلدنا
واتفرجنا على المسله الهبله اللى جنبها شكلها كلوت جنب المسله المصرية
 |
| Obelisk of Theodosius المسلة المصرية باسطنبول فاتح اسطنبول |
لقينا المتحف التركي والفن الاسلامي Museum of Turkish and Islamic Arts
المتحف ده في جزء منه ببلاش كله سجاجيد ... لكن الجزء اللى بفلوس 25 ليره
معتقدش انه مهم الا لو معاك الكارت وكمان ومعاك وقت
مدخلتش ابو فلوس 💸
المتحف التركي والفن الاسلامي
Museum of Turkish and Islamic Arts
Museum of Turkish and Islamic Arts
المتحف التركي والفن الاسلامي في اسطنبول
Museum of Turkish and Islamic Arts Istanbul
Museum of Turkish and Islamic Arts Istanbul
وبعدها طلعنا على المسجد الازرق والنافوره اللى اودامه والميدان
Sultanahmet Arkeolojik Park ساحة جامع السلطان احمد في فاتح
وقولنا بأه نروح مكان جديد ونصرف بأه
رحنا البازيليك
صهريج البازيليك Basilica Cistern
ماهذا 💩💩 اللى عاملنيله تذكرة ب
بـ 20 ليرة
لييييييييييه انزل سلالم سلالم في الاخر الاقي عوواميد في مجاري ميه
ووليه مقلوبه في اخرها
والناس كلها يا عيني مصدقوا لقوا حاجة عليها القيمة
والناس كلها يا عيني مصدقوا لقوا حاجة عليها القيمة
وقفوا وحسسوا نفسهم انهم لقوا الكنز وعمالين يتصوروا
لييييييييييييييييييه كده يا تركيا
بعدها رحنا حديقة جولهانة بارك
وعشان الجو شتا مكانش فيه ورود كتير
وعشان الجو شتا مكانش فيه ورود كتير
بس استفدنا من التواليت للنونو
(سيب يا حبيبي علامتك زي القطط)
التواليت بليرة في مكن على باب الحمامات زي بتاع المترو
والله انظف 😀
البلدية هناك عاملة شغل حلو اوي
في الحمامات والحدائق والمواصلات
يا حسسسسسسسسسسرتي 😏
وطلعنا لفينا حوالين السور عشان نروح متحف كان ممكن نروحه من جوه حديقة جولهانة لو مشينا من عند السور من جوه
وعدينا على محلات بره واشترينا شويه حاجات ملهاش تلات تربع لازمة 😜😀
بعدها رحنا متحف تاريخ العلوم والتكنولوجيا الإسلامي اسطنبول
Istanbul Museum of The History of Science & Technology in Islam
Istanbul Museum of The History of Science & Technology in Islam
المتحف جميل وفيه علوم كتيره بس للي يفهم 😂😂
بعدين كنا عايزين نروح متحف القطارات بس ملحقناش والدنيا مطرت باه والشراب اتبل
وباه يحك في رجلي وانا اعيط لحد ما غيرت الشراب
وبليته تاني 😁😀😄
خلاص احنا كده في امينونو روحنا واكلنا في تقسيم وخلص اليوم
------
اليوم التاسع في تركيا
اليوم التالت في اسطنبول
نزلنا على ميدان تقسيم نسال يا ولود الحلال
حد يعرف نروح عند قصر بيلربي Beylerbeyi Palace *** ازاي
رد علينا سواق قالنا روحوا عند الميكروباصات اللى هونيك
رحنا محدش عارف
راح سواق منهم قالنا تعالوا
( شكله كان مش عارف يكمل الميكروباص وخدنا معاه عشان يطلع 🚐🚐)
الراجل ابن اللظينا نزلنا في مفرق كباري ويقولنا اقفوا هنا خدوا اتوبيس
انت بترمينا وتجري 👾👽
اتمشينا لحد ما لقينا كشك اتمونا منه شوكولاتات بالبندق من ام نص ليرة كتير
ومشينا لحد ما وصلنا لحد المكان ده
 |
| حديقة مفتوحة على البوسفور |
الحديقة فيها مراجيح للاطفال وناس بتصطاد ومفيش سور بينك وبين البوسفور
القاعدة حلوه
مرجحنا النونة شويه وسالنا شلة شباب تراكوة
وولا فاهمين منهم ولا هما فاهمين منا
المهم شاورولنا نعدي الناحية التانية نركب
( كل الناس اللي مش بيتكلموا تركي كان المشاورة بتنفع
ولاحظت ان السنادي ناس كتيره بتتكلم عربي بسبب السياحة الخليجية
عن تلات سنين فاتوا في الشمال التركي لكن في اسطنبول معتمدين على السوريين )
ولاحظت ان السنادي ناس كتيره بتتكلم عربي بسبب السياحة الخليجية
عن تلات سنين فاتوا في الشمال التركي لكن في اسطنبول معتمدين على السوريين )
اخدنا ميكروباص حكومي ( رخيص يعني) ودانا قدام بوابة القصر على طول
ودفعنا ودخلنا القصر جميل جداا هو قريب شوية من قصر دولمة بهجة
ومعنى كلمة بيلربي في اللغة العربية أي سيد الأسياد ( سيدنا السيد 👨 )
تكتسي أرضيته بالسجاد الأحمر الفاخر، كما أن غرف القصر تتزين بالثريات الكريستالية الفرنسية الرائعة
(هو البتاع المترجم بيقول كده في وداني 👂 )
(على الباب حيدوك سماعه وجهاز تعلقه في رقبتك وحياخدوا الباسبور رهن
ده بيترجم عند كل اثر واوضه ايه اللى انت بتعدي من عليه)
القصر جميل وموقعه حلو اوي بس لو انت مش غاوي قصور ورحت دولمه بهجة ممكن تفوته
بس لو معاك وقت روح واستكشف القصر والمنطقة اللى حواليه ( روحه روحه حلو حتنبسط صدقني)
التصوير جوه القصر ممنوع
( احلى حاجة في القصور والمتاحف في تركيا
انهم بيحترموا الحاجات بتاعتهم وبيحافظوا عليها
فيه زي حبل كده محطوط اودام كل اوضه عشان محدش يدخل تتفرج من بره
تلبس قبل ما تدخل على الشوز بتاعتك كيس موجود على الباب في برميل كبير
واما تطلع تقلع الكيس ده وتحطه في برميل تاني )
حديقة القصر جميلة والمنظر والجو العام حاجة كده
ححححح
(في طريقة اسهل عشان تروح قصر بيلربي
وهي انك تاخد معدية من امينونو الى اسكودار ومن هناك تركب ميكروباص
بس كده )
بعد القصر حتطلع تاخد ميكروباص يوديك
تل العرائس Çamlıca Hill **
هي تله خضراء بتبين اسطنبول كلها والبوسفور المنظر من فوق ساحر
ويعتبر بيكنيك لذيذ بس المطلع بعد متنزل من الميكروباص عااااااااااااااااااااااااااالي ومتعب
فلو مش بتحب المرتفعات ممكن تفوته لو معاك ناس كبيره
او لو انت الناس الكبيرة 👴👵
ورجعنا بميكروباص لميناء اسكودار وركبنا من هناك معدية لامينونو
 |
| ميكروباص من اسكودار يوصل الى قصر بيلربي وتل العرائس |
 |
| المعدية من اسكودار الى امينونو ورؤية برج البنت From Uskudar to eminonu Maidan's tower |
---------
اليوم العاشر في تركيا
اليوم الرابع في اسطنبول
رحلتنا انهارده لجزيره الاميرات Prince Islands
نزلنا ميدان تقسيم اخدنا اتوبيس لامينونو ركبنا المعدية لجزيرة الاميرات
نزلنا اخر جزيرة بيوك اضا اكبر الجزر
وركبنا حانطور تركي
لف بينا في الجزيرة
 |
| الحنطور في جزيرة بيوك اضا جزر الاميرات Cabriolet Büyükada Princes' Islands |
( المره اللى فاتت اتمشينا في الجزيرة وكنا ناويين نركب عجل في المرتين
بس الصحة باه ( كلها مطالع ومنازل ) )
وبعدها اتغدينا على الجزيرة سمك وبطاطس
وحلينا بالزلابية التركية
هي نفسها المصرية
----------
عاشر يوم في تركيا
اليوم الخامس في اسطنبول
اتمشينا قلنا نروح نركب معدية من كاباتاش
واذ ان ميناء كاباتاش بتتجدد وكملنا المشي لحد بسكتاش
واحنا ماشيين لقينا مرساة مركب اودام متحف
طلع متحف البحري Naval Museum in Istanbul
Maritime Museum Deniz Müzesi
لذوذ وفيه مراكب لسلاطين اسطنبول
وحاجات خاصة باعالي البحار
واللوجو والسلوجان بتاعهم
وشوية تماثيل واصنام 🗽
(رخيص نظام مدارس شوية )
واخدنا المعدية وروحنا منطقة كاديكوي
اه انا مقولتلكمش احنا اليوم حنعمل فيه ايه
احنا كنا عايزين نروح سوق كاديكوي بتاع يوم التلات
ونسال الناس ومحدش عارف يا عالم ده السوق بتاعكم هو فين
المهم قعدنا نمشي مع الجمهور لحد ما لقينا شارع فيه محلات بتبيع لبس رخيص
مش في الشارع.. في محلات
مش في الشارع.. في محلات
المهم اشترينا شرابات وغيارات والحمدلله اكلنا اكله خفيفة واستمتعنا بالجو
 |
| مظلات ملونة مزينة شارع في كاديكوي |
اليوم ده كان بس كاديكوي لان اول اليوم احنا نقلنا من الفندق بتاعنا
لفندق تاني كنا حاجزينه قبل ما نسافر
Borancik Suites
ميزة الفندق الجوهرية
ان فيه غساااااااااااااالة
هيييييييييه
وفيه كمان دفايات حتي في الحمام
فالهدوم بتنشف مجرد تنشرها الصبح ترجع اخر النهار تلاقيها نشفت
طبعا الغساله مهمه في تركيا جداا
لان للاسف اسعار الغسيل والكوي غاليه فشخ ( ميزانية لوحدها )
خلى بالك الفندق ده ليه مبنيين
مبني قديم ومتهالك والمبني اللى احنا قعدنا فيه
-----------
اليوم الحادي عشر في تركيا
اليوم السادس في اسطنبول
حجزنا مع مكتب رحله سابانجا ومعشوقية
تكلفه الرحله بتبقى حوالي 120 ليره
ممكن 100 ليره من غير الاكواريوم
فاصل مع المكاتب عادي
( حجزنا مع فندق لان رجلينا اتقطعت من كتر اللف
وكمان لان الاماكن بعيده اوي وبعيده اوي عن بعضها )
فاصل مع المكاتب عادي
( حجزنا مع فندق لان رجلينا اتقطعت من كتر اللف
وكمان لان الاماكن بعيده اوي وبعيده اوي عن بعضها )
بدانا الرحله عدونا على محل ملبن وحلقوم
وبعدها عدينا على محل عسل
وصلنا سابانجا كان فيه زيب لاين في المكان
بس احنا عملناه في ايدر
فاجرنا بيتش باجي ومشينا بيه مع المجموعة زي فكره شرم الشيخ كده
فاجرنا بيتش باجي ومشينا بيه مع المجموعة زي فكره شرم الشيخ كده
في منطقة زي غابه على جبل عالي
زوجي عمل Human slignshot
عباره عن انك تتربط وتتشد جامد وبعدين يسيبوك تقوم زيوووووووووووووو
وكان فيه باراشوت نط من فوق الجبل بس ده غالي شويتين
وبعدين ودونا على بحيرة معشوقية
مفهاش حاجة غير شط على بحيرة وفيه محلات
وفي الرجوع عدينا على مول اعمار وده مول جديد
فيه اكواريوم تبع سعر الرحلة
الاكواريوم لذيذ اوي لو مرحتش بتاع دبي جربه حتي لو منغير الرحلة
هو جوه اسطنبول
الاكواريوم بيضم جزء للقناديل وتمساح كبير وبطاريق و...
 |
| مول اكواريوم اعمار اسطنبول تركيا |
الواد ابني شاف بنوته كانت معانا في الرحلة
اكبر منه بشهر والواد شافها في الاكواريوم
عند القناديل وديكور الديسكو
والواد طلع يجري ورا البت والبت تجري وهو وراها
وانا اضحك
وراح اداها بوسة قدام امها وابوها 👄
 |
| الاكواريوم في مول اعمار |
رايي في سابانجا
الانشطة غاليه جداا وسايبنها كده
ومش متنظفة ولا متنظمة
نصيحة لو ميزانيتك صغيره بلاش تروحها مش انبهار
الا لو حتعمل حاجة هناك زي انك تنط ببراشوت من فوق الجبل وده 500 ليره
او انك تعمل human slingshot
كانت ب20 ليره
البيتش باجي للاسف كان غالي 200 ليرة
وفيه اصغر لاتنين 100 ليره بس مكانتش موجوده
البيتش باجي للاسف كان غالي 200 ليرة
وفيه اصغر لاتنين 100 ليره بس مكانتش موجوده
------
اليوم الثاني عشر في تركيا
السابع في اسطنبول
قررنا نشوف الشوبنج اللى الناس عماله تقول عليه
ونروح مول يكون مش بعيد نشوف الاسعار والخامات
ولو حنشتري حاجة
ركبنا اتوبيس وبلاد تاخدنا وبلاد تحطنا
الطريق طويل الصراحة
اوليفيوم مول olivium outlet
لفيناه كله كان فيه تخفيضات في نايك
وجبتلى كوتشي بـ84 ليرة
وجوزي جاب بنطلون جينز بـ40 ليره
ومن اودام المول فيه محلات رخيصة جبنا فانلات داخلية للنونو ب 5 ليرة الواحد
وقطنهم حلو اوي والرقبة بتاعته بتمط اشتروا من هناك اقطان الاطفال حلوة
----------------
اليوم الثالث عشر
الثامن في اسطنبول
ركبنا المترو الاخضر من ميدان تقسيم ونزلنا بعد 10 محطات محطة M2Hacıosman
وطلعنا لمحطة اتوبيسات اخدنا اتوبيس 42HMBahçeköy انزل اخر الخط
في الرجوع اخدنا اتوبيس
وصلنا لحد ميدان تقسيم
اللى مش حيسافر الشمال التركي لاااااااااازم يروح غابات بلغراد
-----------
اليوم الرابع عشر في تركيا
اليوم التاسع في اسطنبول
انها بورصه
جبل الاولداغ
ركبنا الاتوبيس من ميدان تقسيم لحد امينونو
مشينا شمال واحنا ظهرنا للبحر
لحد الكشك بتاع بورصة
تكلفة المعدية 28 ليرة الواحد ذهاب فقط
ركبنا تستاهل بصراحة
وصلنا ميناء بورصة
اشترينا كارت مواصلات بورصه
ماهي اشتغاله باه
كارت مواصلات اسطنبول كارت مواصلات بورصه
ركبنا الاتوبيس اللى واقف مستني الناس تشتري الكارت
مفيش كاش للاسف
وبعدين اخر الخط نزلنا لقينا التليفريك اللى طلعنا لنص الطريق
عشان كان فيه اعمال صيانة في باقي التلفريك
صيانة دورية بيعملوها
تذكرة التليفريك 38 ليرة
نزلنا من التليفريك اخدنا دولمش
وصلنا لحد التلج
للاسف في شهر نوفمبر التلج كان لسه بيبدا
فمكانش جليد كان لسه
المهم قعدنا شوية واتصورنا ونزلنا
( المره اللى فاتت كنا طلعنا بالتلفريك في شهر اربعة
لاخر التليفريك
ورحنا عند مكان بيتاجر منه ادوات التزلج على الجليد
واجرنا ووقعنا واتزحلقنا
امال ايه احنا اصلا رجلينا كانت داخله على بعض من الاعاقة )
نصيحة
لو حتروح جبل الاولداغ روحه بعد الجليد ما يتكون مش اول ما يتكون احسن
------
اليوم الاخير
وضبنا الشنط وجرينا نلحق اتوبيس هافاش في ميدان تقسيم
عشان يادوب نلحق الطيارة
باي باي تركيا
i will miss you soooo much
انها بورصه
جبل الاولداغ
ركبنا الاتوبيس من ميدان تقسيم لحد امينونو
مشينا شمال واحنا ظهرنا للبحر
لحد الكشك بتاع بورصة
تكلفة المعدية 28 ليرة الواحد ذهاب فقط
ركبنا تستاهل بصراحة
وصلنا ميناء بورصة
اشترينا كارت مواصلات بورصه
ماهي اشتغاله باه
كارت مواصلات اسطنبول كارت مواصلات بورصه
ركبنا الاتوبيس اللى واقف مستني الناس تشتري الكارت
مفيش كاش للاسف
وبعدين اخر الخط نزلنا لقينا التليفريك اللى طلعنا لنص الطريق
عشان كان فيه اعمال صيانة في باقي التلفريك
صيانة دورية بيعملوها
تذكرة التليفريك 38 ليرة
نزلنا من التليفريك اخدنا دولمش
وصلنا لحد التلج
للاسف في شهر نوفمبر التلج كان لسه بيبدا
فمكانش جليد كان لسه
المهم قعدنا شوية واتصورنا ونزلنا
( المره اللى فاتت كنا طلعنا بالتلفريك في شهر اربعة
لاخر التليفريك
ورحنا عند مكان بيتاجر منه ادوات التزلج على الجليد
واجرنا ووقعنا واتزحلقنا
امال ايه احنا اصلا رجلينا كانت داخله على بعض من الاعاقة )
نصيحة
لو حتروح جبل الاولداغ روحه بعد الجليد ما يتكون مش اول ما يتكون احسن
------
اليوم الاخير
وضبنا الشنط وجرينا نلحق اتوبيس هافاش في ميدان تقسيم
عشان يادوب نلحق الطيارة
باي باي تركيا
i will miss you soooo much
أزال أحد مشرفي المدونة هذا التعليق.
ردحذف