زوجي اخدني نلف وندور علي عربية نشتريها بالايجار المنتهي بالتمليك بدل الشحططه
وركوب التاكسي
وجوزي زهق من كتر ما بقى عامل زي الست بتاعت النافيجيشن navigation
يسار يمين سيدا
:( والهندي عامِل مش فاهم وبيمشي بمزاجه
طبعا قعدنا فوق الاربع شهور عمالين نختار ونوقع من خياراتنا عربيات
هوندا سيتي 2015 فل اوبشن تحفة
بس اجرناها وخبطناها من تحت عشان واطيه ودفعنا فلوس اد كده فلغيناها
اشارة يا مارد
وبعدها رينو فلوانس 2015 شكلها جامد
خبطناها برده من عند المرايه ودفعنا شئ وشويات
الاشارة التانية
واخر حاجة كانت مازدا 3 او مازدا 6 2015
الحمدلله متخبططش :)
وطبعا عشان الوكيل بتاع مازدا الحاج حسين علي رضا
بيجيب العربيات بالاطارة
وكل ما حد يحجز ويعدي اسبوع يقوم لاغي الحجز وحاجة كده متعرفلهاش
ويحسسك انك حتاخد العربية اللقطة اللى محدش اخترع زيها
وذل باه ومفيش مفيش
وتردد وبنوك واني بنك ناخد معاه
رسينا على البنك الفرنسي السعودي
رحنا للمندوب نتفق معاه طلع العقد وبسرعه بسرعه عشان حنقفل ومسهل الدنيا وكله حيتوافق عليه
واتوافق فعلا الموافقة المبدئية تعالي امضي العقد
رحنا مضينا
نقول للمندوب امضي انت كمان على النسخة مش راضي ( يعني ايه )
هو فيه في الدنيا عقد بين اتنين يمضي عليه واحد
والعقد قمة في الظلم وعقد ربوي ربوي ربوووووووووووووووووووووي
زوجي بعد ما مضينا وروحنا قالى انا حاسس بالظلم ومادام حاسس بالظبم
يبقى حرام والموضوع ده مش حلال وربوي
وفعلا بنشوف العقد ونقراه لقينا قمة في الظلم ومفيش حقوق خالص كل حاجة لصالح البنك
وكمان لقينا ورقتين سند امر بقيمه ضعف تمن العربية تلات مرات
يعني حتي مش قيمه العربية بالاقساط
يعني حاجة كده تودينا ورا الشمس
طبعا اتنرفزنا جداااا وللاسف كان يوم خميس وصابح جمعة وسبت اجازه البيه المندوب
بعتناله رسالة يوقف الاجراءات
ورحنا لغينا كل حاجة عشان مندوب فاشل وبنك ربوي
وواحنا بناخد العقد المندوب اخد صورة الرخصة والاقامة
وارفقها مع سبب الالغاء ومضى اسمه تحت
زوجي بيقوله اشمعنا ده مضيت عليه
قاله انت خفت ده انا بهزر معاك
طبعا باين اوي انها نصب ومش ده النظام المتبع في الاجراءات
وبيستغلوا البني ادم انه محتاجهم
بس ربنا ميحوج بني ادم لبني ادم
ورحنا قطعنا العقد والسندات والحمدلله فلتنا بجلدنا
ونصيحة اي حد عايز يشتري نظام الايجار المنتهي بالتمليك
يفكر ويعمل استخارة ويركز اوووووووووووووووووووووووووووي
ربنا نجانا عشان عملنا استخارة وخفنا نغضبه
خلي بالك وخليك ناصح
ليست هناك تعليقات:
إرسال تعليق