ازيك يا مغتربة
طبعا كلمة ازيك هنا في السعودية ديه محدش يفهمها
ديه بتاعتنا احنا المصريات
جيت السعودية وعارفة اني حقعد في البيت فجبت معايا عبايتين صيفي واحدة شتوي وخلاص كده
يعني ححتاج كام عباية يعني عشان انزل مرتين تلاته في الشهر
وبعدين ماهو كله اسود هو بيبان موديل من شكل
وجيت وزي اي واحدة بتيجي السعودية يجيلها اكتئاب مزمن وحالة نفسية مش طبيعية
في بلد كئيبة غريبة عجيبة
متعرفيش تنزلي تشتري حاجة للبيت
ولا تعرفي تنزلي تمشى حوالين الجنينة اللى جنبيكوا
وكل تحركاتك موقوفة بجوزك وطبيعة شغله
فطبعا عيطت واكتئبت وزعلت ودورت على شغل ونزلت اشتغلت
ولا كنت جايبة باه شنطة ولا عامله حسابي
وانزل اشتري الاقي اسعار غريبة وشنط معفنة
اه ماهي ديه مش شنط تتمسك
بصراحة ذوق وحش يا اما ماركات وغالية جدا ومش استايلى
المهم جبت شنطة امشي بيها وخلاص
ماهو ححط السندويتشات والاكل فين
في كيس مثلا
ونزلت وعدي شهر زهقت باه من اللبس وكان في الشتاء
طيب انا معايا عباية واحدة بس
رحت دورت وفليت النت وسالت زميلتي في الشغل
وقالتلى على السويقة
ايه السويقة ديه اسمها مش مبشر خالص
قالتلى واو وحاجتها تحفة
نزلت اشوف لاني نزلت اسواق طيبة والعثيم
كله عبايات سعودي
ومشكلة العباية السعودي للست المصرية المتختخة
انها بتختخها اكتر
وهي مش ناقصة الحكايه يعني
مش عارفة ليه مفيش علامة تبين ده كتف ولا فخدة
المهم رحت السويقة ولقيت عبايات
فيه انواع وقماشات اخترت عبايتين
واسعارهم حلوة وفيه فصال والبياعين هنود
اه نسيت اقولكوا بعد ما اشتريت العباية
سبت الشغل
هههههههههه
يالا اهي قاعدة جنب اخواتها في الدولاب
ههههههههههه
ردحذفكذبه كبيرة
ردحذف