اي واحدة او واحد اول ما يجوا الرياض
بيلاقوا كميات شعر رهيبة بتقع
وشعرهم يخف وحاجة تجيب اكتئاب
يعني مش ناقصة حتبقى حبسة وقرااااااااااع كمان
وتسالي كله يقولك شعرك حيتعود
واللى شوية ربنا مديهم بيستعملوا الميه المعدنية اخر شطفة
والزيوت باه وما ادراكوا ما الزيت
زيت زيتون على زيت خروع على زيت وزيت حشيش !!
وبعدين مفيش فايدة وتدوري على النت
طيب السعوديات عاملين ايه تكتشفى مقال لطيف اسمه
" نصف المجتمع السعودي يعاني من تساقط الشعر"
طب ازاي
ماهو لو كده كانوا اول ناس عرفوا الفولة هما
ماهما من زمان هنا
طبعا بعد ما تسرفي اللى وراكي واللى قدامك
وجوزك يجي بعد كام شهر يقولك
هو انا متجوزك كده ولا انتي اقرعيتي
نهار اسوووووخ
هي وصلت للدرجة لاه باه
بعد ما توصلى ان شعرك يبقى فتلتين مكسوفة تحطي فيهم توكة
فبتسيبيهم هايشين اهو يعملوا منظر
حتي لو كان منظر امنا الغولة
فانصحك نصيحة لوجه الله
اشتري شامبو وكريم مستورد
ده الحل الوحيد اللى انا لقيته
حتصرفي كتير بس احسن ما تروحي في الاخر لدكتور امراض جلدية
ومش بيعمل حاجة في الاخر
ليست هناك تعليقات:
إرسال تعليق