حديقة نوفا للحياة البريه هي فرصة للاسره لقضاء وقت ممتع في حديقة مفتوحة في الرياض
ايوه في الرياض
عندك فرصه تقضي سفاري وسط الحيوانات البريه
وتلتقي بالشيتا والنعام والغزلان
في رحله سفاري وحديقة حيوان بـ100 ريال للفرد
الاطفال تحت سن سنتين ببلاش
فوق سنتين تذكره كامله
لحد الان هي مفتوحة للعائلات فقط
الجولات بتبدا من الساعه 9:30 للساعة 3:30 العصر
الحجز
بالتليفون 0593255918
او بايميل
basheer@nofaresort.com
support@nofaresort.com
انا رحتها مع الاسره الكريمة
اول حاجة اتصلت عملت حجز بالميعاد وعدد الافراد
واستاذ باشير بعتلى الموقع على الواتس اب
وبعدها توجهنا الى حديقة نوفا للسفاري والحياه البريه
وصلنا قطعنا التذاكر
وادونا اسوره من الورق نلزقها حوالين معصم ايدينا
وبعدها اخدنا شاتل باص ينقلنا للرسبشن
الرسبشن معمول على شكل خيمه ومن جوه فيها طرابيزات
بيقدم مياه وشاي وقهوه وبسكويت ( دايجستيف واوريو ولوتس )
وفيه حمامات نظيفه
وبعدها بناخد عربيه السفاري مفتوحة عشان تقدر تتفرج براحتك وتصور
وبتبدا الرحله بنشوف النعام وغزلان وجديان و...
وبنتوجه بعدها للرزافات والشيتا
وبعدها بينزلونا عند منطقة فيها بيوت حيوانات
واتصورنا مع صقر صغيووووووور وارانب وكانجرو وسلحفاه و ....
وبعدها بياخدنا عشان نروح
احنا طلبنا نروح المطعم
وديه احسن حاجه عملناها كنا حنخلص الرحله بس قلنا نشوف المطعم
المطعم اودامه تراك الجولف ونافوره جميله وكوبري جنب النافوره
المطعم اسعاره كويسه
يعني الوجبه بتبقى من 30 لـ 40 ريال
طلبنا مكرونه بانا بالفراخ
ومكرونه اسباجيتي اسيويه بالفراخ
اتكلفت كلها 75 ريال
الاكل حلو كان نفسنا الصوص يبقى اكتر
وبعدها روحنا اتصورنا عند النافوره واتمشينا
الرحله اديها 10 / 10
وانصح اي حد في الريااض يروحها
خصوصا ان الجو شتوي وجميل
ليست هناك تعليقات:
إرسال تعليق