مصريه ومش بتكلم عن السياحة في مصر
كنت قاعده بدور على فنادق في دهب وافتكرت
اني لسه راجعه من مرسى علم ومكتبتش تقرير عنها
حتي عشان انا افتكر اما احب اروحها تاني
وافتكر ايه اللى عجبني وايه معجبنيش
احنا كنا طالعين مع اخو جوزي ومراته عريس جديد وشهر عسل وكدهز
حجزنا فندق يكون ميزانيته على الاد عشان نقعد فترة كويسه وبما اننا طالعين رحلات فمش محتاجين الفندق اوي
بس للاسف الفندق طلع سئ
resta reef resort
اول مره الاقي نمل في اوض الفندق الاوضتين طلع فيهم نمل ونتصل عشان يرشوا يقولوا ده عادي عشان الزرع
ما كل الفنادق عادي عشان الزرع وبيرشوا كل يوم
منصحش بيه الا لو رخيص جدا بالنسبه للباقي
الاكل برضه مكانش حلو خالص
الجسر اللى بينزل على البحر كان بيتصلح وده كنا عارفينه قبل ما نروح
والبسين كان تعبان بس نزلنا في اللى الفندق التاني تبعهم عشان اكبر واحلى
يعني تقييمي ليه تلات نجوم وده كده كرماهم اوي
-----------
نيجي باه للرحلات اللى قمنا بيها في مرسى علم
رحنا رحله لستايا
وديه منطقة في البحر بيتجمع فيها درافيل صغيره كتير وتقدر تنزل بالزورق من المركب والزورق بيوديك لحد عندهم وتنزل تعوم معاهم او وراهم وتحاول تتفرج عليهم وحظك حلو لو واحد فيهم عمل شقلباظ في الجو
في الغالب بيجروا بسرعه جدااا عشان بيبقوا خايفين من كتر المراكب والناس اللى بتحاول تعوم وراهم بس تجربه حلوه اوي وجديده وتستاهل
أزال أحد مشرفي المدونة هذا التعليق.
ردحذف